Կանանց հետ դժվար է, բայց առանց նրանց` անհնար (ՄԱՍ 2)

Այն, որ կանայք և տղամարդիկ խոսում են տարբեր լեզուներով և շատ հաճախ նույնիսկ «թարգմանիչների»  առկայության դեպքում իրար չեն կարողանում հասկանալ, գաղտնիք չէ: Ճիշտ է, տղամարդկանց լեզուն չհասկանալու խնդիրներ շատ հաճախ չեն պատահում, քանի որ տղամարդիկ հիմնականում մտածում են այն, ինչ ասում են: Օրինակ` եթե տղամարդը ասում է «Ես մրսում եմ» , նա նկատի ունի, որ ցուրտ է և ինքը մրսում է: Իսկ այ կանանց և աղջիկների դեքում ամեն ինչ անհամեմատ ավելի բարդ է: Երբ կինն է ասում այդ նույն «Ես մրսում եմ»  -ը, նա դրա տակ ինչ ասես կարող է նկատի ունենալ, և շատ հաճախ նույնիսկ ցրտի և մրսելու հետ ամենևին էլ կապ չունեցող մտքեր…Իհարկե, մեր լեզուն շատ հաճախ մենք ինքներս էլ չենք հասկանում (սա որպես գաղտնիք), բայց ցանկության դեպքում  փորձել հասկանալ կարելի է: Առաջարկում եմ միասին կազմենք մի փոքրիկ բացատրական բառարան, որը գուցե և օգնի «կանանց լեզու»  – «տղամարդկանց լեզու»  բարդ թարգմանությունների ժամանակ: Եվ այսպես ստանձնեմ «թարգմանչի»  բավականին պատասխանատու գործը և սկսենք: Սկսենք իհարկե ամենատարածված բառերից և մտքերից`
«այո»  – ոչ

1. «ոչ»  – այո
2. «միգուցե»  – իհարկե ոչ
3. «ես մեղավոր եմ»  – դու դեռ կզղջաս
4. «մեզ հարկավոր է»  – ինձ հարկավոր է, ես ուզում եմ
5. «արա ինչ ուզում ես»  – դու դեռ կվճարես դրա համար
6. «ամեն ինչ կարգին է»  – ոչինչ էլ կարգին չէ, ես վիրավորված եմ
7. «իսկ դու ինձ սիրո՞ւմ ես»  – այս խոսքերին սովորաբար հետևում է կամ որևէ մեղքի խոստովանություն կամ էլ որևէ նվերի ուզել
8. «ես գե՞ր եմ»  – ասա, որ ես հիանալի տեսք ունեմ
9. «որտե՞ղ էիր մինչև հիմա և ինչո՞ւ չէիր զանգում»  – ես քեզ կարոտել եմ
10. «կուզե՞ս մի փոքր զբոսնենք»  – սիրելիս ես ուզում եմ, որ մենք խանութ գնանք
11. «արի մտնենք այս խանութը»  – արի այս խանութում մի 6-7 ժամ անցկացնենք, երեկ ես այստեղ շատ գեղեցիկ բաներ եմ տեսել
12. «կարո՞ղ եմ քեզ մի հարց տալ»  – քո վերջը եկավ, ես ամեն ինչ էլ գիտեմ….
13. «սիրելիս ես քեզ կարոտել եմ»  – այսօր ընկերուհուս հեռախոսը անհասանելի է, և ես չգիտեմ ում հետ խոսել
14. «ես քեզ համար մի փոքր նվեր եմ գնել»  – իսկ ինձ գնել եմ նոր շրթներկ, նոր պայուսակ, նոր կոշիկներ…..
15. «ինչի՞ մասին ես մտածում»  – ասա, որ սիրում ես ինձ…
16. «սիրելիս ի՞նչ նվիրեմ քեզ ծննդյանդ օրվա առթիվ>> – հարցրու իսկ ես ինչ կցանկանայի քեզանից նվեր ստանալ
17. «ես այսօր շատ տխուր եմ»  – ասա, որ սիրում ես ինձ
18. «ի՞նչ օր է այսօր»  – այսօր մեր հանդիպման 7-րդ ամիսը լրացավ, ինչ անուշադիր ես դու…
19. «ինչո՞վ ես դու զբաղվում ազատ ժամանակ»  – ես ուզում եմ, որ դու քո ողջ ազատ ժամանակը ինձ հետ անցկացնես
20. «5 րոպեից պատրաստ կլինեմ»  – կարող ես հարմար տեղավորվել, ես դեռ մի 2 ժամ ինձ պետք է կարգի բերեմ :))))
21. «դու ինձ դուր ես գալիս»  – ես քեզ շաաաաաատ եմ սիրում, սիրում եմ քո բոլոր թերություններով հանդերձ, ես քեզ սիրում եմ….

Իհարկե ինչպես տեսաք մի քիչ բարդ է մեր լեզուն և մեր մտքերը հասկանալ: Սակայն կարելի է ոչինչ էլ չբարդացնել, ընդամենը հաճախ ասեք ձեր սիրելիներին, որ սիրում եք իրենց, որ իրենք հիանալի տեսք ունեն և որ դուք առանց իրենց չեք կարող…..մեր բոլոր տրամաբանված և չտրամաբանված հարցերին ու մտքերին հարկավոր է ընդամենը ՍԻՐՈՎ պատասխանել…